змагайся!
пераможаш!
На Галоўную старонку

ПАГРОЗА ВАЙНЫ? МАЦУЕМ АБАРОНУ

(З выступу на ліпеньскім Сойме 2018 г. КХП--БНФ і БНФ "Адраджэньне")

... Ізноў вяртаюся да тэмы рускай агрэсіі і гібрыднай вайны, да неабходнасьці падрыхтоўкі супраціву. Назіраецца актывізацыя рускай агентуры ў Беларусі і за мяжой, асабліва там, дзе ёсьць буйныя беларускія эміграцыйныя цэнтры (напрыклад, у ЗША і Канадзе). Нядаўна выяўленыя засланцы ў беларускія арганізацыі Нью-Ёрка, зьвязаныя з найвялікшым легальным бандытам лукашызму палкоўнікам Д. Паўлічэнкам (па патрабаваньні Лукашэнкі, Сівакова, Шэймана ён забіў дзясяткі людзей, кіраваў «эскадронам сьмерці», быў арыштаваны за гэта пракуратурай, на допыце прызнаўся ў забойстве Захаранкі, Ганчара, Красоўскага, вызвалены з-пад арышту асабіста Лукашэнкам, працягвае служыць Лукашэнку, знаходзіцца пад санкцыямі ЗША). У шпіёнскай справе задзейнічана таксама лукашысцкая (а, фактычна, лубянская) агентура, зьвязаная са злачыннымі групамі.

Паказальна адбываецца правакацыя вакол незаконнай пабудовы забаўляльнага рэстарана ў ахоўнай зоне "Курапаты". Практычна, антыбеларускі план з рэстаран-бардэлем ля Курапатаў Масквой ужо напалову правалены, але разьвіваецца далей гвалтоўнымі мэтадамі. Непрыяцелі Беларусі робяць доўгатэрміновую язву (тыпу як акупаваны Данбас для Украіны). Тактыка накіраваная на агентурнае абвастрэньне ў грамадзтве. Правакатары пачалі рабіць наезды машын на пікетоўшчыкаў рэстарана, выкарыстоўваючы безадказныя сацыяльныя элемэнты грамадзтва.

Антыбеларускі рэжым, які заграз у карупцыі і ў маскоўскім палітыканстве, адкрыта падтрымлівае правакацыю з рэстаран-бардэлем у ахоўнай зоне Курапатаў. Арыштаваныя і пасаджаныя за краты шмат якія пратэстоўцы -- прыстойныя людзі. Робіцца дробязны перасьлед людзей за любоў да Беларусі.

Узмацнілася антыбеларуская рыторыка Масквы ў ворганах рускага друку, павялічваецца русіфікацыя ў Беларусі. Рэжым ліквідаваў памятныя знакі і крыжы па расстраляных немцамі і саветамі беларусах у Трасьцянцы (урочышча Благаўшчына). Пад відам выкананьня дэкрэта №1 аб непрацуючых грамадзянах, пад выглядам падрыхтоўкі да перапісу насельніцтва 2019 г. і пад выглядам іншых зачэпак распрацоўваецца сістэма кантролю расейскіх спэцслужбаў за кожным чалавекам у Беларусі.

Павялічыўся ціск Крамля на лукашысцкі рэжым. Ускосна пра гэта сьведчаць паранойныя паводзіны начальніка рэжыму. Сімптаматычна, што пасьля таемнай гаворкі з Пуціным ён зноў пачаў казаць пра ўваход Беларусі "у іншую дзяржаву". Такое ўжо няма патрэбы нават камэнтаваць, бо зразумела, што калі б ён пра гэтакае антызаконнае сваё рашэньне заявіў, то тут кожны беларус меў бы маральнае і канстытуцыйнае права ажыцьцявіць вырак і суд над дзяржаўным злачынцам нацыі.

Ідзе схаваная і маніякальная падрыхтоўка Расеі да лакальнай канвэнцыянальнай вайны. Першаснай мэтай гэтай падрыхтоўкі ёсьць захоп і падпарадкаваньне Беларусі. Няма пэўнасьці, што Расея абавязкова пачне такую вайну супраць нашай краіны. Але гэта нічога не зьмяняе, бо яна рыхтуецца да вайны супраць краінаў Эўразьвязу, якія былі пад заборам СССР. Стоадсоткава зразумела, што тэрыторыя Беларусі ў гэтым раскладзе стане тэатрам расейскіх ваенных дзеяньняў. Злачыннаму пуцінскаму рэжыму важна пачаць вайну не з сваёй тэрыторыі, але перанакіраваць плацдарм вайны ў Беларусь. Беларусь будзе падстаўлена пад удар, а Расея застанецца нібыта за межамі ваеннай апэрацыі. Таму верагоднасьць захопу Беларусі, для Крамля, практычна, абавязковая. Вайна можа пачацца пасьля пранікненьня расейскага войска на нашу тэрыторыю.

Для беларусаў пытаньне жыцьцёвай нацыянальнай важнасьці ёсьць у тым, каб узброены масковец не ступіў на нашу тэрыторыю. Ніякіх расейскіх вайсковых базаў і аэрадромаў не павінна быць на нашай зямлі.

Паўтару тэзісы 2014 года. Беларускія патрыёты мусяць сур'ёзна рыхтавацца да абароны Беларусі, памятаючы пра здрадніцкі варожы рэжым улады. Нагадваю ранейшыя палажэньні: групы толькі па два чалавекі (пакуль што), толькі гарызантальная структура, ніякой электронікі, рыштунак, амуніцыя, забясьпячэньне. Усё чакае свайго часу. Аднесьціся да гэтай неабходнасьці трэба сур'ёзна. Мусіць быць гатоўнасьць. Гэта не гульня. (Памятаем Украіну!) Ніхто, акрамя нас, беларусаў, не абароніць Беларусь. ...

Слава Айчыне! Жыве Беларусь!

8 ліпеня 2018 г.

Зянон Пазьняк / 31-07-2018
Зянон Пазьняк Беларусь Змаганьне Сойм КХП-БНФ Адпор
Абмеркаваньне
аптфпвт Аўтар: Менчанин 2018-07-31

Весь иждивенческий бизнес РБ поставлен на обслуживание РФ. Люди не видят смысла в Независимости. Там полно агентов влияния, распространящих панические идеи о неспособности РБ к независимой политике. Москва не спит, а бизнесу не представлена альтернатива РФ. ЕС не национальная структура и не будет защитой для европейских гос-в. Пример брексита.

Бяз тэмы Аўтар: Пiнчанiн 2018-08-04

Расейскiм акупантам у канчатковым разбурэньнi беларускай дзяржавы, у тым лiку, перашкаджае улiваньне капiталау з вонку (каля 7 мiльярдау далярау) - ад беларусау якiя працуюць за мяжой, таму лубянскiя падлы, праз закон "о тунеядцах" iмкнуцца абрэзаць iнвеставаньне беларускай эканомiкi беларусамi працуючымi па за межамi Беларусi, бо ва унутры Беларусi акупацыйны рэжым па загадку лубянскай арды усе беларускае амаль што вынiшчыу.

Для менчанена Аўтар: Алекс 2018-08-04

А вот тов. менчанин ненадо считать кого то дурнее себя! Все отлично беларусы и видят и понимают! Ведь не зря беларусы-лицьвины и их земли сыграли ключевую роль в уничтожении как российской империи в 1917, так и СССР в 1991 и плюгавый ботекс со своей бандой очень сильно напрашивается на третий, окончательный развал остатков своих никчемных скрепов?

Слава Айчыне! Аўтар: Натальля 2018-08-08

Маліва - моцная зброя! Негатыу агрэсия павіненны быць справядлівымi. Маліцеся, беларусы, малiтва гэта любоу, якая дасьць моц і абарону!

Жыве Беларусь!

дадайце свой камэнтар
Вялікі дзякуй за камэнтар! Ваш камэнтар будзе дададзены пасьля праверкі мадэратарам.
Актыўна абмяркоўваюць: